Hann fer í ljós tvisvar í viku...

Í tilefni af Chokkó viku/balli MH og FB fór ég núna áðan og fékk mér strípur í hárin, bara svona að vera með. Ég sé nefnilega ekki fram á að komast á ballið sakir neikvæðrar lausafjárstöðu. Ég ætla hins vegar ekki að láta mitt eftir liggja að skapa stemmingu meðal almúgans í skólanum. Skrifa meira um málið seinna, þarf að fara í ljós og lílamsrækt. Negli þig næst...

Hmmm?

Það er eins og ég hafi bara fengið mér eina línu kl. 15:13 í gær og verið snartjúllaður í heilar tvær mínútur!

Bloggað upp á nýtt

Þetta er nýja útlitið á síðunni. Ég var í góðum fíling að lagfæra þessi leiðinlegu mistök sem urðu hjá mér hérna um daginn þegar mér varð það á að biðja Fannar um aðstoð við að búa til nýjan ramma. Hann var ekki til í það en bauðst til að henda öllu sem ég var búinn að gera. Mér tókst þó að bjarga eldri bloggum og þau eru hér fyrir neðan.
Ég held að ég muni í framtíðinni ekki reyna jafn dramatískar breytingar og síðast. Það kann ekki góðri lukku að stýra fyrir html-meistara!

Shit

Djöfull er ég búinn að steikja þessa síðu mína, ég á aldrei eftir að geta fixað þetta. Ég myndi biðja Fannar um að kíkja á þetta fyrir mig á morgun en ég veit að hann á bara eftir að segja að ég sé grillaður svo ég ætla aðeins að bíða með það. Það er dáldið í að ég sé tilbúinn að takka svoleiðis spaugi.

Annars er býsna skemmtilegt að velta fyrir sér hvers vegna ég er vakandi núna klukkan 04:35 á virkum degi. Ég þurfti að fara með kærustuna upp á spítala, hún er búin að vera heví slöpp undanfarið og læknavaktin var lokuð. Ég verð að segja að íslenskur vinnumórall hrífur mig alltaf, allt er svo hnitmiðað og allir vita hvað þeir eru að gera! Strax í móttökunni fylltist ég einlægri trú á íslenska skilvirkni, þar var lögreglumaður sem hafði týnt fanganum sínum á leið í blóðprufu og gerði að honum dauðaleit á setustofunni. Fanginn kom síðan í ljós stuttu seinna en hafði átt brýnt erindi á salerni staðarins og varð því að fara án þess að láta yfirvöld vita.
Það var ekki nokkur hræða á sjúkrahúsinu utan löggumann og co en við fengum nú samt að sitja í andyrinu í einn og hálfan tíma svo ég hafði nægan tíma til að lesa gríðarlega skemmtilega grein í Mannlífi frá því á seinni hluta síðustu aldar um hvernig karlmenn, flokkaðir eftir stjörnumerkjum hegða sér í rúminu. Ég komst að því að sem sporðdreki skiptir kynlíf mig öllu máli og að ég vilji helst gera það á sem opinberustum stöðum. Ég get með engu móti leyft mér að efast um trúverðugleika þessara hávísindalegu athuganna. Hver er ég til að efast um það? Þegar við komum inn tók á móti okkur rosalega almennilegur aðstoðarlæknir. Sjúkdómsgreiningin vafðist þó eitthvað fyrir honum því það var alltaf verið að trufla hann með einhverjum spurningum frá hjúkkunum um þennan mann sem hann hafði fyrr um kvöldið gefið róandi. Hann hafði greinilega misreiknað sig eitthvað því maðurinn steinlá og engin leið að vekja hann. Hann komst fljótt að þeirri niðurstöðu að leyfa honum bara að sofa til morguns og snéri hann sér aftur að okkur. Eftir nokkra athugun komst hann að því að sennilega væri hún ekki í bráðri lífshættu og sendi hana í röntgen. Það fannst mér sniðugt hjá honum því allar Lukku - Láka bækurnar eru á röntgendeildinni.

Það var svoleiðis dælt í mig kaffi þarna niðurfrá og ég hef aldrei vélritað svona hratt. Ég er líka soldið móður. Ég er bara chilla, fikta í síðunni, og drekka kaffi. Mikið hlakkar mig til að labba upp í skóla á eftir. Ég er að spá í að hlaupa bara!

Formúla Dauðans

Verð bara að tjá mig um eitt. Formúla 1 er sport sem ég get engan veginn skilið. Gríðarspennandi að horfa á þetta. Og Shúmagher keyrir einn hring, þvílík spenna! Og nú keyrir hann annan hring. Þetta er ákaflega vel gert hjá Shúmagher. Ég gerði einu sinni tilraun til að horfa á þennan viðbjóð. Ég fann mér einhvern gæja til að halda með og beið svo spenntur eftir að leikurinn byrjaði en það gerðist ekkert. Það er að segja ekki fyrr en minn maður datt úr keppni á 9. hring eða eitthvað. Þannig að staðan hjá mér var þannig: þrjár klst. eftir af hrútleiðinlegum dvergum og ég hef engan til að halda með. Þar fyrir utan er ekker fisikal kontakt, engar tæklingar eða hrindingar. Ekkert gaman. Samt er ótrúlegur fjöldi fólks sem horfir á þetta. tökum aðeins saman hvað þetta fólk er að horfa á: Bíla sem keyra hratt: hljómar ágætlega en boj vos æ rong. sífelld endurtekning á því sama í 3 tíma. Af hverju í fjandanum eru þessar keppnir svona lengi. það hefur enginn þolinmæði í að sitja í þrjá tíma að horfa á nokkra littla kalla með bíladellu þenja beyglurnar sína hring eftir hring eftir hring. Til saman burðar er handboltaleikur 60 mínútur, fótboltaleikur 90 og svo framvegis. Er ekki hægt að stytta þetta niður í svona...tja klukkutíma til einn og hálfan.

Svo varð banaslys í nótt. Blásaklaus vallarstarfsmaður var keyrður niður þar sem hann í sakleysi sínu var að sinna sínu starfi. Einhver drulludeli ákvað að keyra hann í klessu svo hann dó. Númer eitt: þetta sýnir bara óöryggi þassara uppbelgdu formúlu manna sem nota bílinn sinn sem framlengingu á skaufanum á sér með því að níðast á mönnum sem hafa sitt á hreinu, rétt eins og vallarstarfsmaðurinn fyrrverandi. Númer tvö: knattspyrnumanni sem ætlaði sér að spyrna boltanum í vallarstarfsmann yrði umsvifalaust vísað af leikvelli en það gerist sossum aldrei því þeir sem eru með minnimáttarkennd fara beint í akstursíþróttir og aðrar íþróttir þar sem þeir finna til karlmennskunnar.

Hrútleiðinlegt sport þar sem menn geta misst líf og limi vegna duttlunga keppenda er engann veginn það sem koma skal og ég vona að greinin leggist niður á næstu árum. Fannar og aðrir sem fíla þetta barnalega sport: Hættið að vera sorglegir, spilum fótbolta og enginn deyr!

Blogg um ekki neitt

Mæli með að þið rifjuið upp diskinn Come Down með Dandy Warhols. Ekkert nema snilld! M.a. lög eins Minnesoter og Not If You Were The Last Junkie On Earth. Annars ekkert títt. Rólegur bara. Yfir.

Sjónvarp versnandi fer

Núna áðan varð ég vitni að einhverju lélegasta sjónvarpsefni sem ég hef séð um ævina. Þátturinn virðist ekki hafa neinn tilgang og ég ekki viss hvort þetta er keppni eða hvað. Þátturinn heitir Temptation Island. Í aðalhlutverki eru 4 pör sem eru aðskilin í tvær vikur á eyju í karabiskahafinu. Á meðan við fylgjumst með í gegnum auga myndavélarinnar á að reyna á hvort pörin geta verið trú hvort öðru i sambandi sínu í tvær heilar vikur. Til að gera þetta svo meira „spennandi“ er fengið fólk sem hefur það eitt að markmiði að draga aðalkarakterana á tálar(það sem meistari Jay Leno réttilega kallar hórur).

Ég spyr: Hver er tilgangurinn? Eru einhver verðlaun? Fyrir hvað þá? Hvernig vinnur maður? Með því að halda ekki fram hjá? Það er ekkert mál. Ég hef gert það lengi og það án þess að fá borgað. Málið hlýtur að vera eitthvað annað. Það er nokkuð ljóst. Ég meina hversu sjúkt er að borga einhverjum fyrir að vera trúr manneskjunni sem viðkomandi elskar. Þetta er svona týpiskur þáttur sem á að hneyksla fólk en hvern er verið að hneyksla? Ekki mig! Mér finnst þetta í mesta lagi hallærislegt og ég held að það sé almennt viðhorf hjá mínum aldursflokki. Það eru nottla alltaf einhverjar fínar frúr í vesturbænum sem gætu hneykslast af þessháttar. En ég meina kannski hljómaði þetta eins og góð hugmynd á stjórnarfundinum hjá NBC eða ABC eða hverjum sem framleiðir þennan óhroða.

Að mínu mati er þetta sjónverpsefni í sama gæðflokki og breskur fræðsluþáttur um einkalíf hreyfihamlaðra flatlúsa á örvhentum einhleypum karlmanni sem hefur áhuga á listdansi á skautum. Þátturinn vekur kannski mikla athygli hjá kananum en eins og við öll vitum er greindarvísitala meðal Kanans ekki mikið hærri en skónúmerið hans og ég hef alla trú á að þetta sjónvarpsdrasl fái ekki áhorf hér á landi á við sjónvarpsþætti sem eru með söguþráð eða að minsta kosti eitthvert vitrænt umfjöllunarefni og konsept.

Annars er mér sossum sama hvað þeir sýna í sjónvarpinu. Enginn skyldar mig til að setjast niður fyrir framan sjónvarpið klukkan 8 á laugardagskvöldum og stilla á Skjá 1, og meðan svo er mega þeir sýna hvað sem er mín vegna. Það væri annars gaman að fá gamla Hemma Gunn þætti í loftið aftur. Ég skora hér með á einhverja sjónvarpsstöðina að byrja að sýna Hemma Gunn. Hver man ekki eftir ljúfum stundum fyrir framan skjáinn með allri fjölskyldunni að horfa á Hemma Gunn?

Ég held að ég sé búinn að koma á „blað“ flestum þeim tilfinningum sem kviknuðu við að horfa á þetta vitlausa fólk sem fékk ókeypis frí og tveggja vikna ferð til eyju í karíbahafinu með fríu fæði og húsnæði, og garanterað fullt af sjénsum. Nei þetta myndi ég sko aldrei gera!

Þriðji Heimurinn - Stærsta blöff í heimi?

Undanfarið hefur ákveðin kennig verið að gerjast hjá mér. Ég var í dönsku í dag. Það er nottla ekki hægt að ætlast til þess að maður haldi einbeitingu allar helvítis 80 mínúturnar og þar sem ég ligg fram á borðið í einhvers konar móki þá skýtur allt í einu upp hugmynd. Hugmyndin heldur áfram að þróast og í lok tímans er hugmyndin orðin að fullmótaðri samsæriskenningu: Afríkuríkin eru að arðræna vesturlönd og asíubúa! Þetta kom mér jafn mikið á óvart og þér en bíddu aðeins við. Þá gæti einhver haftá orði: En hvað með hungursneiðina í Afríku? Einfalt! Það er engin hungursneið í Afríku. Þetta fólk sem við sjáum í auglýsingum Rauða Krossins rétt fyrir jólin eru í raun allt saman hátt launaðir leikarar. Þessar 25 millur sem Harison Ford fékk um daginn eru bara djók miðað við upphæðirnar sem við erum að tala um. Hvers vegna ættu Afríkuríkin að gera þetta?

A)Til að geta framleitt dóp fyrir vesturlandabúa og það gera þeir. Af hverju segir enginn frá þessu? Af því að enginn fer til Afríku. Hefur einhver ykkar actually farið til Afríku? Nei við höfum öll bara heyrt um fólk sem hefur farið til Afríku. (Vinur frænda kærustu hans Bibba fór til Bíafra) Þannig hafa þeir komið sér upp ákjósanlegum ræktunarskilyrðum.

B)Afríka er auðug af demöntum. Í raun er svo mikið af demöntu í Afríku að ef það væri e-r samkeppni þá kostaði 1000 karata demantur svona álíka mikið og bland í poka. Afríkuríkin stjórna verðinu og þeir komast upp með það af því að það fer enginn til Afríku því að það er hungursneið í Afríku og stríð og engin falleg háhýsi. Ástandið er verra. Í demantanámunum vinns svo hvítir þrælar.Dæmið gengur upp. Síðan dæla þeir bara dópi í okkur evrópubúa og meika millur meðan við fáum okkur línu og förum til helvítis. Ég hef einnig grunsemdir um svipaða starfsemi frumbyggja Ástralíu en ég er bara ekki alveg búinn að sjá í gegnum þeirra lygavef. Ef ég skyldi hverfa skyndilega einn daginn sendiði þetta til Sameinuðu þjóðanna

P.S.
Þetta er að sjálfsögðu bara eiturlyfin að tala. Ekki taka neitt alvarlega hér að ofan. Ég skora á alla að gefa pening í söfnunarbaukana og ættleiða barn í sos þorpunum.

Foot and mouth disease

Hafiði pælt í þessu gin- og klaufaveiki fári sem gengur yfir Evrópu núna? Ég held að meðal jóinn viti ekkert allt of mikið um þennan sjúkdóm. Smitast hann í menn? Hver veit? Ég held að ég gæti verið með einkenni gin og klaufaveiki! Stundum þegar ég drekk mikið gin verð ég óttalegur klaufi. Þessu fylgja einnig ýmis einkenni riðuveiki þar sem fæturnir verða eins og smjörstykki á heitri pönnu.
Fannst bara að ég þyrfti að koma þessu frá mér...